Ключевые слова
Аннотация
Ushbu maqolada “Suv o‘tlari (algae), ularning klassifikatsiyasi va qishloq xo‘jaligidagi ahamiyati” mavzusini oliy ta’lim muassasalarida o‘qitishda innovatsion pedagogik texnologiyalardan foydalanishning ilmiy-metodik asoslari tahlil qilingan. Suv o‘tlari biologik xilma-xillikning muhim tarkibiy qismi bo‘lib, ularning sistematik o‘rni, morfologik va fiziologik xususiyatlari, ekologik funksiyalari hamda qishloq xo‘jaligidagi amaliy ahamiyatini kompleks o‘rganish talabalar tomonidan biologik jarayonlarni tizimli idrok etish imkonini beradi.
Tadqiqotda muammoli ta’lim, “Flipped classroom”, “Case-study”, konseptual xarita, raqamli mikroskopiya, virtual laboratoriya, interaktiv testlar va loyiha asosida o‘qitish texnologiyalarining didaktik imkoniyatlari asoslab berilgan. Innovatsion yondashuvlar suv o‘tlarining klassifikatsiyasini mexanik yodlashdan ko‘ra, ularning pigment tarkibi, hujayra tuzilishi, oziqlanish tipi, ko‘payishi va ekologik moslanishlari o‘rtasidagi sabab-oqibat bog‘liqliklarini aniqlashga xizmat qiladi. Shuningdek, suv o‘tlarining biologik o‘g‘itlar, tuproq unumdorligini oshirish, chorvachilik va akvakulturada yem-xashak manbai, biofaol moddalar hamda ekologik monitoringdagi istiqbollari yoritilgan.